علقت الناشطة السياسية أسماء محفوظ، العضو المؤسس بحركة 6 إبريل، على تبني جماعة أنصار بيت المقدس لتفجير «كرم القواديس»، وبثها لمشاهد استهداف الكمين، قائلة: «منتهى الرعب، ومش فاهمة حاجة، مين دول؟»
وأضافت «محفوظ»، عبر صفحتها على موقع «فيس بوك»: «إزاي جيشنا بقى بيتمثل بجثثه كده؟ .. إزاي وصلنا لكده؟ .. إزاي الحرب اللي اتشنت على الشعب عشان بيتظاهر متشنتش على اللي بيقتلوا جيشنا على الحدود؟ .. جم منين دول؟ .. إيه السواد ده؟ .. يارب ملناش غيرك يارب».
وتابعت موجهة رسالة للرئيس عبد الفتاح السيسي: « حاربت الارهاب المحتمل؟ .. ربنا ينتقم منك انت وكل اللي بيغنيلك يارب، الغلابة دول ذنبهم ايه؟».
واستكملت: «الجنود الغلابة دول ميفرقوش حاجة عن الأطفال اللي ماتت محروقة مش عارفة ولا تهرب ولا تبعد عن نفسها النار ولا حتى في حد يلحقهم، تلت ساعة بيتقتلوا ولا حد جه انقذهم ولا طيارة واحدة من اللي كانت بتعمل قلوب في التحرير جت تشوفهم بعد التفجير».
واستطردت: «تلت ساعة بيتقتلوا والرئيس ووزير الدفاع وداخليتهم بيحاربوا الإرهاب في الجامعة وبيقتلوا الطلبة، تلت الساعة كل جندي فيه الروح قد إيه الرعب جواه ومش قادر يعمل حاجة والمجرمين بيصوروهم وفرحانين ولا حد حاسس بيهم، يارب انتقم منهم وانتقم من كل ظالم في البلد دي».
ليست هناك تعليقات:
إرسال تعليق