السيسي يهاجم العالم الاسلامى بالكامل في خطبة المولد النبوي

Yasser Negm

نلاحظ أن السيسي في خطبة المولد النبوى....ماقالش ان فيه كام ألف واحد متطرفين أو كام جماعة إرهابية عايزين يموتوا العالم كله ويعيشوا هم...
لا...ده قال: 1.6 مليار عايزين يقضوا على ال7 مليار ويفضلوا هم...
وده يأكد انه مايقصدش أفكار متطرفة خارجة شاذة...ده بيقصد ما يؤمن به الواحد ونص مليار كلهم...
الكلام ده ماقالوش حتى جورج بوش في حربه على الإرهاب ولا أى سياسي أمريكي أو غربي أو أى شخص معادى للإسلام السياسى..أقصى ما قاله هؤلاء ان الأغلبية الكاسحة من المسلمين مسالمين وعلاقاتهم طيبة بالآخر ومافيش مشكلة معاهم والمشكلة مع مجموعات أصولية تسىء تفسير النصوص..ماحدش منهم قال خالص: عندنا مشكلة مع نصوص عمرها مئات السنين...
وده متماشى مع كلامه اننا محتاجين (ثورة دينية مش ثورة على الدين)..والمقصود ثورة على الإسلام من وجهة نظره تنتقى ما يعجبه وتلغي ما لا يعجبه..مش ثورة على التطرف..أو إصلاح للخطاب الديني...
(خلوا بالكم ان اللى بيدعوهم لده...شيوخ الأزهر بتوع الإسلام (الوستي) الجميل...مش بيكلم مثلا خطباء بيعتبرهم غلاة)..
حاولت كتير أفسر كلامه على انه واحد (عبيط) و(جاهل)...وقلت: يمكن أساء التعبير فى لفظ (نصوص) وان قصده (اجتهادات فقهية قديمة يقدسها البعض) مش (نصوص قرآن وسنة)..
لكن حتى إذا تغاضينا عن دى...فسياق الكلام كله على بعضه كارثي...وعمر ما قاله حد غير الملحدين العرب....وماقالوش أشد السياسيين عداءا للإسلام السياسى..ما بالنا بحاكم دولة تعتبر قلب العالم الإسلامي....