قصيدة نعيد نشرها بعد مهزلة الجمعية العمومية الباطلة لنقابة الصحفيين وتصدرعدد من المخبرين المندسين فى مهنة الصحافة المشهد بوصفهم ثوار..كتبت زمن المخلوع ما جاء فيها ينطبق على صحفيين اليوم
شعر :سيد أمين
كتبت في 22 مارس 2009 الساعة: 17:43 م
جرى ايه للمهنة يا جِدعان
يا صحافة يا بنت أم حكومة
كام صحفى عايشين أعيان
مع إن دماغهم معدومة
وطريقهم مفشوخ سالكان
والعلة- طبعا- مفهومة
ما هو برضو كلب السلطان
من ريحة الغالى وهدومه
@@@
والواحد استاذ تنظير
على سرعة مليون نظرية
واخدينها لت وبِلوير
ولا حتى بتوع الطعمية
قال يشرحوا للناس.. تنوير
مظبوط ع الخطة الأمنية
والناس مش فاهمة الفوازير
ولا هُمَّ فاهمين أيه ديه
@@@
والدنيا بطَالة وتهبيش
والإيد النجسة البطَّالة
بشهادة من حتى شاويش
رح تلبس صحفى بمقالة
وتقُش الدنيا وتعيش
طول ما انت بتبلغ حالة
ونأشر صالح فى الفيش
ومتلحِم برضو وبريالة
@@@
وعلى قد شطارتك نعطيك
ما هو احنا ضرورى بنقدَّر
تتفضل فلاشات ولا شيك
ولا احسن ببنات تتغَندَر
على إن علينا التكتيك
وعلى إنك لا مؤاخذة المنظر
وضميرك لو قام نمحيك
ونرَكِِّب غيرك يتحنطر
@@@
أمية ونصب وتدليس
ودا حال المهنة المُنهارة
حتلاقى اللى تبيع برخيص
وتلاقى العامل زُمارة
وتلاقى الشرفاء متاعيس
والواطى مطيِّر طيارة
والمخفى جوه الكواليس
اوساخه فوق اى عبارة
@@@
النِوَرى بتاع السياسات
والثورى بتاع الستالايت
قارفين الناس ف حكايات
حمضانة كالاكل البايت
وعمرمر وش الحوارات
أراجوز الشاشة والسايت
وكمالمل ملك الافيشات
العايم فى النخع وفايت
وامثالهم طوابير قفوات
سلكانة ف عصر الأوفسايت
@@@
وتوليفة عبدة المُشتاق
عيال كدة تافهة وخلصانة
لا معنى ولا أى خواص
ولا ذمة ولا حتى ديانة
احلامها تِمسك مايكات
مع كاميرا ورسمة ودكّانة
شغلانة منظرة وخلاص
تنفع فى البلد الكرخانة
سيد أمين
http://albaas.maktoobblog.com/1614535/%D8%B5%D8%AD%D9%81%D9%8A%D9%88%D8%A7-%D8%A7%D9%84%D9%85%D8%A8%D8%A7%D8%AD%D8%AB/
ليست هناك تعليقات:
إرسال تعليق